Bilbao Basket
Endesa Liga
Bilbao Basket, play-offetatik urrunduko ez duen garaipenaren bila
Erredakzioa
Bilbao Arena
Bilbotarrek garaipena erdietsi behar dute play-off postuetan sartzeko, eta galiziarrek eta Unicajak kale egin behar dute. Zaragozak, aldiz, garaipena lortu behar du eta Blusensensek galdu.
-
Bilbao Basket eta CAI Zaragoza, artxiboko irudi batean. Argazkia: EFE:
CAI Zaragoza ACB Ligako laugarren postua lortzeko ametsaren bila dator Bilbao Arenara. Baina, badaki arerio gogorra izango duela aurrez aurre, izan ere, ez du inoiz garaipena lortu bertan.
'Beltzezko gizonak' beti menderatu dute CAI Zaragoza, LEB Ligan eta baita ACB Ligan. Baina, zaragozarrak denboraldi bikaina egiten ari dira, eta elitezko lehengo garaipenaren bila etorriko dira Bilbora.
Aragoiko taldea denboraldiko momenturik goxoenean dago, bolada ezin hobean. Lau garaipen lortu ditu jarraian eta Bilbao Basketen aurka bosgarrenaren bila dator. Uxue Bilbao Basketek Europako finala galdu zuenetik ez du irudirik onena erakutsi, eta indarrak batu beharko ditu play-offeko ametsa eskuetatik ihes ez egiteko.
Katsikarisek arazoak izango ditu aste honetan taldea osatzeko, hainbat jokalari lesionatuta baititu: Raül López eskuin hankako soleoan min hartuta dago, Milovan Rakovicek bizkar arazoak ditu, kostas Vasileiadis hematoma du koadrizepsean eta Mamodou Sambek zaintiratua du orkatilan. Roger Grimauk, bestalde, 450. neurketa jokatuko du jardunaldi honetan.
Jose Luis Abosek, ACB Ligako 100. partidan, Damjan Rudez jokalaria pistaratu ahalko du; Albert Fontet azken momentura arte zalantzan egongo da.
Bilbotarren eta zaragozarren arteko neurketa igandean izango da, arratsaldeko zazpietan, Bilbao Arenan. Epaileak Hierrezuelo, Calatrava eta Oyon izango dira.
