Bilbao Basket
Final-laurdenak
Uxue Bilbao Basketek ez du jokatu aurretik amore eman nahi
Erredakzioa
Fotis Katsikarisen taldeak badaki Barça dela hurrengo kanporaketarako txartela lortzeko faboritoa, baina ezusteko emateko prest dago.
-
Bartzelona-Bilbao Basket, artxiboko irudia. Argazkia: EFE
Uxue Bilbao Basketek Regal Bartzelonari egingo dio bisita ostegun honetan (20:45ean, zuzenean eitb.com-en eta ETB-1en) titulurako final-laurdenetako lehen partidan. Katsikarisen taldeak badaki zail duela hurrengo kanporaketarako txartela lortzea, baina ezustea emateko prest dago.
Urte gogorra izan da Uxuerentzat. Playoffeko postuari eutsi ahal izateko lan handia egin du, eta Eurokopako finalerako txartela lortu zuen. Milovan Rakovic baja izango da Palauko hitzordurako, sorbaldan mina du eta. Kostas Vasileiadis, ordea, lehiatzeko prest dago.
Barça faboritoa den arren, Bilbao Basketek ez du jokatu aurretik amore eman nahi, eta garaipena eskuratzeko dena emango du.
