Bilbao Basket
Endesa Ligako playoffak
Uxue Bilbao Basketek finalerdietarako txartela lortu nahi du
Erredakzioa
Bartzelonaren aurka jokatuko du astearte honetan Palaun, eta ezustekoa eman nahi du talde bizkaitarrak. Partida 20:45ean hasiko da, eta zuzenean eskainiko dute eitb.com-ek eta ETB-1ek.
-
Uxue Bilbao Basket. Argazkia: EFE
Uxue Bilbao Basketek Endesa Ligako playoffetako hirugarren partida jokatuko du asteartean (20:45ean) Bartzelonaren aurka Palaun, eta finalerdietarako txartela egongo da jokoan.
Partida zaila izango du talde bizkaitarrak Palaun. Bartzelona faboritoa da, baina Miribillan emandako ezustekoak indartu egin du Uxue Bilbao Basket. Talde ez dago ondo fisikoki. Jokalari askok arazo fisikoak dituzte, baina egoera berdinean jokatu zuten igandeko partida, eta hirugarren norgehiagoka behartzea lortu zuten. Milovan Rakovic eta Fran Pilepic baja izango dira astearteko partidan.
