Bilbao Basketek Fuenlabrada hartuko du, garaipenetan berdinduta

Bilbao Basketek Fuenlabrada hartuko du Bilbao Arenan, igandean 12:00etan. Aurkaria berdinduta dago garaipenetan Endesa Ligan. Errege Kopako geldiunea igarota, erregulartasunaren lehiaketan gauzak ondo egin nahi dituzte orain. Bilbao Basketek, bainera, Eurokopako kanporaketa ahaztu nahi dute, asteazkenean Izar Gorriaren kontra (81-85).

Fuenlabrada bolada onean dago, azken hiru partidak irabazita, Valladoliden (83-107), Laboral Kutxaren (74-73) eta UCAM Murtziaren (87-84) kontra. Momentu onean helduko dira Bilbora, etxekoak ez bezala, Ligako azken bi partidak galdu dituztelako.

Zortzi aldiz aritu dira aurrez aurre Bilbon, eta biek irabazi dituzte launa partida. Orotara, aldiz, hamaika aldiz irabazi dio Fuenlabradak Bilbao Basketi, eta beltzezkoek sei. Chus Mateoren taldeak joanekoan ere irabazi zuen, neurketa osoan zehar Bilbao Basket nagusi izan zen arren.

Fuenlabradako entrenatzaileak "norgehiagoka parekatua "espero du, "bukaerara arte", "azken minutuetako presioa aprobetxatzeko" momentura arte, hain zuzen. Vega, azken neurketetan titularra, Alex Mumbru gelditzen saiatuko da.

Erasoan, Andy Panko (urtarrileko jokalari onena eta Endesa Ligako anotatzaileena, 18,2 puntuko batezbestekoarekin) eta James Faldeine egongo dira, Dani Perez antolatzaile gazteak zuzenduta, Rafa Pueyoren mutilak gauzak zail jartzeko asmoz.