Bilbao Basket
Igandean, 19:00etan
Bilbao Basketek Estudiantesen aurka neurtuko du emandako aurrerapausua
Erredakzioa
Beltzezko gizonek etxetik kanpo berriz irabazi behar dute, Miribillan garaipenera itzuli ostean (igandean 19:00etan).
-
Bilbao Basket, Estudiantesen aurkako partidan. Argazkia: EFE.
Bilbao Basketek Txus Vidorretaren Estudiantesen kantxa bisitatuko du, igandean 19:00etan, etxetik kanpo berriz partida onak egiteko helburuarekin. Bilboko taldea garaipenera itzuli da Miribillan, baina kanpoko azken hiru partidak galdu ditu.
Bilbao Basketek Manresari irabazi zion abenduaren 29an (66-88), joko onarekin, baina kanpoko hurrengo hiru neurketak galdu zituen: Badalonan, Santiagon eta Zaragozan. Orain, Miribillan bi partida on egin ondoren, Fuenlabrada eta Gipuzkoa Basketen kontra, etxetik kanpo ere irabazi behar du.
Rafa Pueyoren gizonek, Europatik kanpo, play-offak dituzte buruan, bigarren itzuliko helburua. Sailkatzean, arazo ekonomikoak ahaztuko lituzke taldeak.
Bilbao Basketek Estudiantesi egindako beretzati bisitetatik bost irabazi ditu. Horien artean, azken hiru partidak daude.
