Bilbao Basketek kategoriari eusteko garaipena lortu nahi du

Bilbao Basketek UCAM Murtzia hartuko du astelehenean Bilbao Arenan. Garaipena lortu eta arnasa lasai hartu ahal izatea dute xede, bilbotarrek lehenbailehen bermatu nahi baitute datorren urtean Endesa Ligan jokatzen jarraituko dutela.

Beltzezko gizonek garaipen bakarra lortu dute azken zazpi jardunaldietan. Duela bi aste eskuratu zuten, eta Valladolidi irabazi zioten, Endesa Ligako azken sailkatuari. Jokalariek arazo fisikoak dituzte, Antanas Kavaliauskasek alde egin du, eta horrek guztiak taldea ahuldu egin du. Beraz, bizkaitarrek argi dute sasoi bateko playoffen helburua alde batera utzi, eta kategoriari eustea, horrek izan behar duela euren borroka.

Sailkapenari begiratuta, Bilbao Basketen postua ez da bereziki kezkagarria: azken aurreko taldeak baino hiru garaipen gehiago dituzte, eta bukaerarako zazpi jardunaldi falta dira. Hala ere, Murtziaren aurka galduz gero, zer esanik ez, arriskua areagotu egingo litzateke.