Alacant-Bilbao Basket (74-76): Zazpigarren garaipena jarraian

Bizkaia Bilbao Basketek zazpigarren garaipena jarraian lortu du ACB Ligan gaur Meridiano Alicante taldeari 74-76 irabazita.

Partida berdinduta hasi zen. Lehen minutuak oso parekatuak izan ziren (5-6), baina hirugarren minututik aurrera hobeto jokatu zuen etxeko taldeak eta aldeak lortzen hasi ziren. Sei punturainoko aldeak izan zituen Alacanteko taldeak (13-7 eta 16-10) eta etxekoen aldeko sei puntuko errenta horrekin bukatu ziren lehen hamar minutuak (26-20).

Egoera aldatu egin zen bigarren laurdenean. Pixkanaka, Bilbao Basket aldeak murrizten hasi zen eta 15. minutuan partida berdintzea Portu zuen (29-29). Berdindu ostean, Bizkaiak lau puntuko aldea ere lortu zuen (29-33), baina Meridianok ez zien gehiegi aldentzen utzi. Horrenbestez, bi puntuko aldearekin iritsi zen Bilbao Basket atsedenaldira (37-39).

Atsedenaltik bueltan indartsu kantxaratu zen Bilbao Basket eta lau puntu inguruko distantziara mantendu zuen aurkaria laurdenaren erdialdera arte (44-40). Baina, orduan, etxeko taldeak markagailua irauli zuen 11-0eko partzialarekin eta 51-44 adierazten zuen markagailuak. Azken minutuak estuak izan ziren eta hirugarren laurdena Meridianoren aldeko 58-56ko emaitzarekin bukatu zen.

Azken laurdena oso parekatua izan zen. 33. minutuan aurrea hartu zuen markagailuan Bilbao Basketek (60-61), baina 5-0eko partzialarekin etxeko taldea 71-65 irabazten jarri zen. Amaierarako minutu inguru falta zenean puntu bakarrera hurbildu zen talde bizkaitarra (72-71). Amaierarako bi segundo falta zirenean Blumsek hirukoa sartu zuen eta 74-76ko emaitzarekin garaipena lortu zuen Bizkaia Bilbao Basketek. Talde bizkaitarrak garaipena bakarrera dite play-off postuak.

Fitxa teknikoa:

74 - Meridiano (26+11+21+16):Avdalovic (8), Cazorla (7), Stojic (3), Katelynas (14), Andriuskevicius(8) -hasierako bostekoa- Urtasun (9), Sow (11), Llompart (7), Erdogan (7),Rejon.

76 - Bilbao Basket (20+19+17+20):Javi Rodriguez (5), Warren (4), Mumbru (17), Hervelle (13), Moiso (4)-hasierako bostekoa- Banic (6), Blums (3), Salgado (22), Markota, Seibutis(2), Vazquez.