Bilbao Basket-Valladolid: Bederatzigarren postuari eutsi nahi diote

Erredakzioa

Azken eguneratzea: 2010/05/15 16:24 (UTC+2)

Talde bizkaitarrak garaipena bilatuko du Porfi Fisacen taldearen aurka, hurrengo denboraldian gonbidapen bidez Europan jokatzeko aukerak izaten jarraitzeko.

Whatsapp
Whatsapp
telegram
twitt
Bidali
Esteka kopiatu

Albisteak (1)

Bilbao Basket-Valladolid: Partida igandean jokatuko da

Katsikarisen mutilek denboraldia ahalik eta postu altuenenan bukatzea nahi dute, playoffetan sartzeko aukerak agortuta, hurrengo urtera begira jarri delako taldea. Bederatzigarren postuan bukatzea lortzen badute, beltzezko gizonek Europan sartzeko aukerak mantenduko lituzkete, gonbidapen bidez (wild card) Bilbao Basketek Eurocupa jokatu ahalko lukeelako. Horretarako, bilbotarrek, Blancos de Rueda Valladolid gainditu beharko dute. Gaztela eta Leongo taldea, gogotsu elduko da Bizkaia Arenara, denboraldia garaipen batekin agurtzeko asmoz.

Partida, azkenengoa izan daiteke Bilbon jokalari batzuentzat, izan ere, Axel Hervelle, Real Madrilera itzuliko baita Urtarriletik Bizkaia Bilbao Basketen lagatuta egon eta gero. Gainera, kontratua bukatzen duten jokalariek ere, hurrengo urtean Katsikarisen aginduetara jarraitzeko aukera gutxu dituzte, hala nola, Damir Markota, Paco Vazquez edota Jerome Moiso.

Valladolidek presio gabe jokatuko du partida, izan ere, 31. jardunalditik mailari eustea ziurtatuta izan duelako. Gainera, Porfi Fisacek, Leo Waskiewicz, harrobiko pibot gaztea probatu ahal izango du Barakaldon. Nahiz eta Pucelako taldeak ez duen ezer jokoan, bizkaitarrek Eorpan jokatzeko aukerak bilatuko dituzte eta beraz, partida, bizia eta interesgarria izango da.