Bilbao Basket
Igandean, 12:30ean
Bilbao Basket-Lagun Aro: Bizkaitarrak eta gipuzkoarrak aurrez aurre
Erredakzioa
Katsikarisen taldeak sailkapeneko seigarren postuari eutsi nahi dio. Lasoren mutilek, garaipenak lortzen jarraitu nahi dute sailkapenean postuak igotzeko.
Bizkaia Bilbao Basketek Lagun Aro GBC hartuko du etxean, sailkapenean postu ezin hobe batean egonik. Fotis Katsikarisen taldea seigarren da sailkapenean, baina atzetik Cajasol eta Fuenlabrada asko sakatzen ari dira. Donostiarrak, bestalde, hamahirugaren postuan daude, zortzigarren sailkatutik hiru garaipenera.
Beraz, Miribillako derbian gauza asko izango dira jokoan. Gainera, Javi Salgado Bilbora itzuliko da Gipuzkoa Basketeko kamisetarekin, partida oficial batean. Santutxuko antolatzaileak urteak eman ditu Bilboko taldean, baina derbia talde donostiarrarekin jokatuko du oraingoan.
Katsikarisek Hervelle eta Marko Banic prest edukiko ditu, euren lesioak gainditu dituztelako bi jokalariek. Pablo Lasok ere jokalari guztiak prest izango ditu bilbotarren aurka garaipena lortzeko.
