Bilbao Basket
Azken jardunaldia
Estudiantes-Bilbao Basket: Europarako sailkapena ziurtatu nahi dute
Erredakzioa
Katsikaris mutilek garaipena behar dute Eurocupa datorren denboraldian jokatzeko. Bizkaitarrek fase erregularra bosgarren edo seigarren postuan bukatuko dute.
Bizkaia Bilbao Basketek Asefa Estudiantesen aurka jokatuko du fase erregularreko azken norgehiagoka. Garaipena lortzen badute, bizkaitarrek seigarren postua ziurtatuko lukete, baita Europarako txartela ere.
Seigarren postuari eutsi nahi badiote, Bilbokoek talde madrildarra gainditu beharko dute. Gainera, bosgarren postua oraindik eskura daukate Katsikarisen mutilek, Kanaria Handiak Granadaren aurka galtzen badu.
