Emir Sulejmanovic, Bilbao Basketeko jokalari berria

RETAbet Bilbao Basketek ofizial egin du Emir Sulejmanovicen fitxaketa. Bosniako hegaleko pibotak Breogan taldean jokatu du azken denboraldian eta, horrela, Bilboko taldearen hamabigarren jokalaria da hau.

2, 05 metroko altuera duen jokalariak, Lugoko taldean jokatu ditu azken bi denboraldiak. 24 urteko jokalariak batezbesteko 5, 5 puntu eta 5, 2 errebote izan ditu Endesa Ligan.

Horrenbestez, Sulejmanovicen fitxaketarekin, Bilbao Basketek 12 jokalari ditu hurrengo denboraldirako: Thomas Schreiner eta Jonathan Rouselle antolatzaileak, Jaylon Brown, Rafa Martinez eta Tomeu Rigo eskoltak, Axel Bouteille eta Sergio Rodriguez hegalekoak, Ivan Cruz, Arnoldas Kulboka eta Emir Sulejmanovic hegaleko pibotak eta Ben Lammers eta Ondrej Balvin pibotak.