Katsikaris: 'Badakigu zein den jarraitu beharreko bidea'

Bilbao Basketek Real Madrilen aurka jokatuko du ACBko playoffetako finalerdietan (lehen partida, ostiralean 21:45etik aurrera). "Jarraitu beharrako bidea" zein den badakitela adierazi du Fotis Katsikaris bilbotarren entrenatzaileak. "Aurten 9 partida irabazi ditugu etxetik kanpo", gogoratu du.

Dena den, argi dauka "faboritoa" Real Madril dela. Kanporaketa "oso luzea" izatea espero du Bilbao Basketeko teknikariak.

Katsikarisen kezka nagusia Edu Hernandez-Sonseca da. Igandean ezin izan zuen Valentziaren aurkako bigarren partida jokatu orkatilan mina zuelako.