Bilbao Basket
Ostegunean, 20:45ean
Bilbao Basket-Real Madril: Mavroeidis eta Vasileiadis zalantza dira
Erredakzioa
Bizkaitarrek Pablo Lasoren taldearen aurka bilatuko dute denboraldiko aurreneko garaipena. Hervellek lesiontuta jarraitzen du eta jokalari greziarrak zalantza izango dira azken unera arte.
-
Mavroeidis. Argazkia: EFE
Bizkaia Bilbao Basketek playoffetako finalerdietan lortutako afera errepikatzen saiatuko da. Kastikarisen mutilek Rudy Fernandezen eta Jaycee Carrollen Real Madril izango dute aurrean. Zuriek errebantxa hartzeko gogoak izango dituzte, Bilbao Arenan jipoia hartu baitzuten pasa den denboraldian.
Talde beltzak jokalari garrantzitsuak minduta ditu eta Axel Hervelle belgikarrak harmailetik ikusi beharko du partida. Mavroeidis eta Vasileiadis greziarrak minduta daude eta azken unera arte zalantza izango dira.
Fotis Katsikarisen ustez, taldea “Madrilgo jokalariei korrika egiten ez uzteko prest” egon beharko da. Bilbao Basketen entrenatzaileak Lasoren taldea Final Fourra eta Endesa Liga irabazteko faboritoen artean dagoela argi utzi du.
