Bilbao Basket
FIBA Europa Kopa finala
FIBA Europa Kopako finaleko joanekoa, Bilbao Basket-PAOK Salonika, zuzenean, eitb.eus-en eta ETB1en
AGENTZIAK | EITB MEDIA
Kopara hurbilduko dituen garaipenaren bila irtengo dira beltzezko gizonak. Norgehiagoka Miribillan jokatuko dute, 20:00etatik aurrera; itzulia datorren astean izango da, Grezian.
-
Bilbao Basket-PAOK Salonika
Surne Bilbao Basketek FIBA Europa Kopako titulua hurbildu nahi du gaur arratsaldean, Greziako PAOK Salonikaren aurkako joaneko partidan, Miribillan, 20:00etatik aurrera. Neurketa zuzenean izango da ikusgai, eitb.eus-en eta ETB1en.
"Txapelketa irabazi nahi dugu, eta historia egin", esan zuen astelehenean Ruben Dominguez Bilbao Basketen hegaleko jokalariak, finalaren aurreko adierazpenetan. Halaber, hitzorduari "80 minutuko partida bakar gisa" aurre egingo diotela azaldu zuen, "ez 40 minutuko bi norgehiagoka gisa". "Ea zer egin dezakegun etxean, eta Grezian, aurpegia ematen saiatuko gara", gaineratu zuen.
Era berean, Tomasz Gielok nabarmendu zuen taldeak "pauso erabakigarria" eman nahia duela, "jokalarientzat, klubarentzat eta hiriarentzat oso garrantzitsua" den txapelketa irabazteko asmoz.
Greziako taldea, bestetik, bertako ligako final-laurdenetako kanporaketako bigarren partida irabazi berri dator Bilbora. Hortaz, Massimo Cancellieriren gizonek lehia horretan nagusi izateko aukerari onik eustea lortu dute.
