Gipuzkoa Basket
Endesa Liga
Lagun Aro ezustekoa ematen saiatuko da liderraren aurka
Erredakzioa
Talde gipuzkoarrak Real Madrilen aurka jokatuko du igandean, 12:15ean. Illumben izango da partida, eta zuzenean eskainiko dute eitb.com-ek eta ETB-1ek.
-
Raulzinho Neto, Lagun Aroren eta Cajasolen arteko partidan. Argazkia: EFE
Lagun Aro GBCk bigarren partida jarraian jokatuko du etxean igande honetan, 12:15ean. Aurkaria ez da edozein izango; Real Madril Endesa Ligako liderra, baizik. Partida honek Pablo Laso Lagun Aroren entrenatzaile ohiare itzulera ekarriko du. Denboraldi onak burutu zituen Lasok talde gipuzkoarra zuzentzen.
Gipuzkoa Basketek denboraldiko bigarren garaipena lortu zuen asteazkenean, eta indarberrituta aterako da Illunbeko kantxara. CAI Zaragozaren aurka lortutako garaipenak, ilusioa berpiztu du jokalarien eta zaleen artean.
Aurrean izango duen taldea, ordea, ez da edozein. Real Madril denboraldi hasiera bikaina egiten ari da. Lasok zuzentzen duen taldea oso ondo jokatzen ari da, eta orain arte ez du partidarik galdu.
