Gipuzkoa Basketek Manresaren aurkako lehia irabazi behar du

Lagun Arok eta Manresa basketek hil edo biziko neurketa jokatuko dute Ilunben. Bi taldeak Endesa Ligako azkeneko sailkatuak dira, eta horregatik garaipena lortzeak inoiz baino garrantzia handiago hartuko du.

Donostiako taldeak asko hobetu du azkeneko jardunaldietan, eta etxean izango duten abagunea aprobetxatu nahi dute. Garaipena moralarentzat oso garrantzitsua izango litzateke, eta jokalariek badakite guztia eman behar dutela.

Ilunben jokatutako azkeneko partidan Lagun Arok garaipen sendoa lortu zuen Blancos de Ruedaren aurka, eta Miribillan aurpegia eman zuten Uxueren aurkako derbian.

Morris Finley estatubatuarrarekin taldeak hobera egin duela argi gelditu da, eta gainera, David Doblas partida borobilak egiten ari da. Gakoa, defentsan sendo jarraitzea eta kanpoko jaurtiketak sakiratzea izango da.

Joaneko norgehiagokan Gipuzkoako taldeak 88-89 irabazi zuen Manresan, etxetik kanpora lortu duen garaipen bakarra.