Gipuzkoa Basket
Larunbatean, 19:00etan
Sito Alonsoren taldeak bigarren garaipena nahi du
Erredakzioa
Gipuzkoa Basketek ezustekoa eman nahi du Valentzia Basketen aurka, Endesa Liga garaipenarekin hasi ondoren. Donostiako taldeak sentzazio oso onak ditu.
-
Sito Alonso. Argazkia: EFE
Gipuzkoa Basketek Endesa Ligan bigarren garaipena lortzeko ilusioa du, Cajasolen kontra garaipen garrantzitsua lortu ondoren. Sito Alonsoren gizonek Valentzia Basket indartsuaren aurka jokatuko dute, Fontetan. Perasovicen taldeak porrota jaso zuen lehenengo jardunaldian Bartzelonaren aurka, baina fitxaketa garrantzitsuak egin ditu (Van Rossom eta Pablo Aguilar), eta talde sendoa eraiki du.
Jason Robinsonek eta Raul Netok gidatu behar dute Donostiako taldea erasoan, eta Anthony Winchesterrek eta David Doblas beteranoak ere puntuak lortu beharko dituzte garaipena eskuratzeko.
Pau Ribasek ezin izango du neurketa jokatu, baina Perasoviek Vladimir Lucic serbiarra berreskuratu du. Valentziak zaleen aurrean irabazteko gogoa izango du, eta GBCk gogor borrokatu beharko du.
Jarraitu Valentzia Basket-Gipuzkoa Basket norgehiagoka, zuzenean eitb.com-en, larunbatean 19:00etatik aurrera.
