Gipuzkoa Basketek sendo jarraitu nahi du etxean

Gipuzkoa Basketek sendo jarraitu nahi du Donostian, Valentziaren aurka porrot gogorra jaso ondoren (87-58). Sito Alonsoren gizonek FIATC Joventut hartuko dute Ilunben, 19:15etik aurrera.

Donostiako taldeak bere historiako denboraldirik onena egin du, eta Valentzian galdu arren, sentzazioak onak dira. Cajasolen kontra landutako garaipena lortu zuen, lehenengo jardunaldian, eta etxean sendotasuna erakutsi nahi dute, berriz ere, zaleen aurrean.

Taldeko aurpegi berriek maila dutela erakutsi nahi dute, baina kanpoko jaurtiketetan, batez ere, asko hobetu behar du GBCk, Valentzian gaizki aritu baitzen.

David Doblasi lagundu beharko diote taula azpian, Kantabriako jokalariak taldeko pisu gehiena baitarama. Netok eta Salgadok ere, aurrerapausoa eman beharko dute.

Jarraitu Gipuzkoa Basket-FIATC Joventut neurketa, zuzenean eitb.com-en, 19:15etik aurrera.