Gipuzkoa Basket
Larunbatean, 20:15ean
Gipuzkoa Basket, aurrerapausoa emateko prest
Erredakzioa
Sito Alonsoren gizonek etxetik kanpora aurreneko garaipena eskuratzeko abagunea izango dute, Murtzian. Jarraitu neurketa, zuzenean, ETB1en eta eitb.com-en.
Albisteak (2)
Bideoak (1)
Informazio gehiago (1)
Gipuzkoa Basketek etxetik kanpora denboraldiko aurreneko garaipena eskuratzeko aukera paregabea izango du, UCAM Murtziaren kontra. Donostiako taldeak bolada onean dagoela erakutsi nahi du, Bilbao Basketen kontrako derbia irabazi ostean.
Sito Alonsoren gizonek Ilunben lortu dituzte bi garaipenak, eta orain etxetik kanpora ligan borrokatzeko maila dutela erakutsi nahi dute. Valentzian porrot handia jaso zuen GBCk, baina Bartzelonaren kontra ezustekoa ematetik oso gertu egon zen.
Jason Robinson sasoi oso onean dago, eta estatubatuetako hegalekoak taldea gidatzeko prest dagoela erakutsi nahi du. Robinson taldeko liderra bilakatu da, eta Endesa Ligako onenen artean jarraitzeko asmoa duela dirudi.
Gainera, Hunleyk eta Winchesterrek jokoan aurrerapausoa eman dutela dirudi, eta Gipuzkoa Basketek euren puntuak asko eskertuko ditu, Bilbao Basketen aurka, adibidez, erabakigarriak izan baitziren.
