GBCk seigarren postua sendotu nahi du, Fuenlabradari irabazita

Gipuzkoa Basket sasoi betean da eta ligan duen seigarren postua sendotu nahi du ostiralean, 20:00ean, Fuenlabradari Donostian irabazita.

Sito Alonsoren taldea denboraldiko ezustea ematen ari da Herbalife Kanariasekin batera, eta azken hilabetean emandako maila onari eutsi nahi dio.

Hain zuzen, donostiarrek kanariarren aurka jokatu beharko dute laster, eta, hori ikusita, ezinbestekoa da madrildarrei irabaztea.

Gipuzkoarrek laugarren garaipena jarraian lortu nahi dute, bigarrena etxean, eta horretarako Jason Robinson Ligako saskiratzailerik onena eta GBCko liderra jokatzeko moduan izango dute.