Gipuzkoa Basket
Igandean, 12:15ean
Valladolidi irabazi, eta playoffarekin ametsetan jarraitu nahi du GBCk
Erredakzioa
Donostiarrak denboraldiko unerik onenean dira, jokoari eta emaitzei dagokienez. Partida zuzenean emango dute ETB1ek eta eitb.com-ek.
-
Gipuzkoa Basketek lau garaipen lortu ditu azken bost partidetan. Efe.
Gipuzkoa Basketek Valladolid Endesa Ligako azken sailkatua hartuko du Illunben, playoffetan sartzeko azken aukerei eusteko. Donostiarrek etxean jokatuko dituzte hurrengo hiru partidetatik bi, eta horrek abantaila emango die.
Donostiarrek bi garaipenera dute Cajasolen zortzigarren postua; beraz, Valladolidi igandean irabazi eta Herbalife taldeari bi aste barru Donostian eta Gasteizko derbian ere gailenduz gero, orain ametsa dena gauzatu egin daiteke.
Sito Alonsok bi baja garrantzitsu ditu: Anthony Winchester eta Raul Neto. Ondorioz, txandakatzeak zazpi jokalarirekin bakarrik egin ahal izango ditu.
Talde donostiarra denboraldiko unerik onenean da, emaitzei eta jokoari dagokienez. Azken bost partidetatik lautan garaile atera da.
