Gipuzkoa Basket
Larunbatean, 18:00etan
Lagun Aro GBC-Bartzelona: Aurkari gogorrena, momentu txarrenean
Josu Bilbao
Erredakzioa
Gipuzkoa Basketek, ACBko liderra hartuko du etxean, ligako unerik erabakigarrienetan. Donostiarrek garaipena behar dute jaitsiera postuetaik aldentzeko.
Pablo Lasok zuzendutako taldeak ACBko liderraren aurka jokatuko du Ilumben, aurtengo talderik indartsuenaren aurka. Gipuzkoako taldeak unerik txarrenean hartzen du talde katalana izan ere, donostiarrek garaipena behar dutelako sailakapeneko azken postuetatik aldentzeko. Lagun Arok bi garaipeneko aldea eramaten dio Xacobeo talde galiziarrari, jaitsiera postuetan dagoen taldeari eta Lasoren mutilek ezin dute hutsik egin azken partida hauetan.
Gainera, Bartzelona gogotsu eta indarrez azalduko da Donostian, garaipena lortuz gero, matematikoki ACBko lehen postua bereganatuko baitzuten Xavi Pascualen mutilek. Horregaitik, gipuzkoarrek ez dute erraza izango garaipena lortzea nahiz eta etxean jokatu.
Gizpuzkoa Basketeko entrenatzaileak, Pablo Lasok, jokalari guztiak prest ditu Barçaren aurkako neurketarako, alegia, Lorbek anaiak elkartuko diren partidarako.
