Itxi

Gipuzkoa Basket

17-18 denboraldian

ACBren batzar nagusiak ofizialki baieztatu du GBCren igoera

Agentziak | Erredakzioa

Hamargarren aldiz izango da Gipuzkoa Basket onenen artean, datorren denboraldian. Honela, euskal saskibaloiak hiru ordezkari izango ditu berriro Endesa Ligan.

  • GBC ACBn izango da datorren denboraldian. Argazkia: EiTB.

    GBC ACBn izango da datorren denboraldian. Argazkia: EiTB.

ACBren batzar nagusiak ofizialki baieztatu du Gipuzkoa Basket elkarteko kide egin dute, eta Endesa Ligan jokatuko du hurrengo denboraldian. Hamargarren aldiz izango da GBC onenen artean, eta, hortaz, euskal saskibaloiak berriro izango ditu hiru ordezkari Espainiako saskibaloi liga profesionalean: Baskonia, Bilbao Basket eta Gipuzkoa Basket.

GBCk dokumentazioa eta 404.021 euroko abala aurkeztu ditu, San Pablo Burgosek bezala, eta, ondorioz, klubek aho batez onartu dute Endesa Ligan sartzea, Bartzelonan egindako batzarrean.

Bai Gipuzkoako taldeak bai Burgosekoak ACBk igotzeko baldintzak malgutu dituelako izan dute igotzeko aukera. Orain arte, 4,7 milioi euro ordaindu behar zituzten klubek bertan jokatzeko aukera izateko, baina hemendik aurrera 1,6 eman beharko dituzte. Gainera, lau epetan ordaindu ahalko dute, eta berreskuratu egingo dute, jaitsiz gero.

, jaitsiz gero.