Lagun Aro-DKV Joventut (74-76): Ezusteko porrota

Partida osoan agintzen joan eta gero Lagun Arok 74-76 galdu du Badalonako taldearen aurka. McDonaldek eta Hosleyk saskiraketa garrantzitsuak lortu dituzte azken jokaldietan eta DKV Joventutek garaipena eskuratu du Ilunben.

Lehen laurdenean Pablo Lasoren mutilek kantxan agindu egin dute eta Domen Lorbekek eta Javi Salgadok jarri dituzte saskiraketak erasoan. Katalanak atzetik mantendu dira markagailuan eta emaitza donostiarren aldeko izan da lehen laurdenaren amaieran (19-16).

Bigarren laurdenean Lagun Arok gehiago sakatu du erasoan eta Pankok 30-23koa jarri du markagailuan hiruko bati esker. Hala ere, Pepu Hernandezen mutilek defentsa asko gogortu dute eta berdinketa lortu dute, 32-32. Etxeko taldeak saskiraketa garrantzitsua lortu du atsedenaldia baino lehen, eta emaitza 34-32koa izan da Gipuzkoa Basketentzat.

Hirugarren laurdenean Javi Salgadok eta Pankok saskiraketa onak lortu dituzte etxekoentzat eta 11 puntuko aldea lortu dute gipuzkoarrek (48-37). Hala ere Badalonako taldeak erasoan erraztasunak izan ditu eta 54-50ko lortu du Triasen gidaritzapean. Azken minutuetan Lagun Arok saskiraketa bi huts egin ditu eta berdeek 54-52koa jartzeko aprobetxatu dute.

Azken laurdenean DKVk joko azkarra ezarri du kantxan eta donostiarrek asko sufritu dute McDonald eta Hosley defendatzeko. Kanpokoek 70-72koa jarri dute markagailuan nahiz eta Albert Mirallesek lan bikaina egin erasoan eta defentsan, eta norgehiagoka berdeen alde jarri da. Azken bi jokaldiak ez dituzte Lasoren mutilek asmatu eta garaipena katalanentzat izan da, 74-76ko emaitzarekin.

Fitxa teknikoa:

74. Lagun Aro GBC (19+15+20+20): Salgado (11), Panko (13), Miralles (12), Doblas (6), Lorbek (12)-hasierako bostekoa- Kone (9), Uriz, Baron (11), Skita, Alfonso Sanchez, Lasa.

76.- DKV Joventut (16+16+20+24): Trias (12) Robinson (9), Hosley (17), Pere Tomas (10) eta McDonald (16)-hasierako bostekoa- Franch (6), Todorovic, Homs, Joan Tomas, Ventura, Jelinek (6).