Gipuzkoa Basket
Ostegunean, 20:00etan
Lagun Aro-CAI Zaragoza: Etxeko azken partida
Erredakzioa
Bi norgehiagoka gelditzen direlarik, Pablo Lasoren mutilek denboraldiko azken partida jokatuko dute Ilunben. Zaleen aurrean, joko ona eta ikusgarria bilatuko dute donostiarrek.
Lagun Aro GBC eta CAI Zaragoza aurrez aurre arituko dira Ilunben. Bi taldeek mailari eustea lortu dute eta horregaitik, partida lasaia jokatuko da Donostian. Kantxan, joko ikusgariia bilatuko dute bi taldeek, izan ere, Lasoren mutilek etxean jokatuko duten denboraldiko azken partida izango baita.
Zaleei azken garaipena eskeini nahiko diote gipuzkoarrek, baina entrenatzaile euskaldunak, ezin izango ditu Domen Lorbek eta Alfonso Sanchez kantxaratu, lesionatuta baitaude. Horregaitik, ohikoak ez diren jokalariek minutuak izango dituzte Zaragozaren aurka.
