Gipuzkoa Basket
Igandean, 18:00etan
Gipuzkoa Basketek Endesa Ligako azken sailkatua hartuko du Ilunben
Erredakzioa
Jaitsiera postuetatik irtetzeko asmoarekin helduko da Blancos de Rueda Valladolid Donostiara. Sito Alonsoren mutilek bolada onarekin jarraitu nahi dute aurrerapusoak ematen jarraitzeko.
-
Andy Panko. Argazkia: EFE
Lagun Aro GBC taldeak azken hilabeteetan garaipen gehien lortu ditu Endesa Ligan. Donostiako taldeak sailkapeneko azkeneko sailkatua, Blancos de Rueda Valladolid, hartuko du Ilunben.
Valladolideko taldeak entrentatzaile berria du, Roberto Gonzalez, Luis Casimirok agur esan baitio klubari. Jaitsiera postuetatik irtetzeko, ezustekoa izango da Blancos de Rueda taldearen arma nagusia, baina Gipuzkoa Basketek bolada ona aprobetxatu behar du.
Play-offetan sendo mantentzea da Sito Alonsoren taldearen helburua eta Lagun Arok horretarako garaipena beharko du. Gainera, garaipenak animoak emango dizkio Gipuzkoako taldeari aurrenekoz Errege Kopa jokatzeko.
