Gipuzkoa Basket
Igandean 12:30ean
Gipuzkoa Basketek bolada onarekin jarraitu nahi du Lucentumen aurka
Erredakzioa
Txus Vidorretaren taldearen aurka jokatuko du Lagun Arok. Donostiako taldeak sailkapeneko laugarren postuan sendo mantentzeko aukera paregabea du.
-
Panko eta Ivanov. Argazkia: EFE
Lagun Aro GBC taldeak Alacanteko Lucentumen aurka jokatuko du Endesa Ligako sailkapeneko laugarren postuan sendo mantentzeko helburuarekin. Txus Vidorreta bilbotarraren taldearen kontra arituko dira Sito Alonsoren mutilak bolada ikusgarriarekin jarraitzeko.
Gipuzkoa Basketek unerik gozoena bizi du eta sailkapeneko laugarren postuan kokatuta dago ezustekoa emanda. Azkenengo 14 partidetatik 12 irabazi ditu Donostiako taldeak eta Lucentumen aurka 13. garaipena lortu nahi du.
Sergi Vidalek fisikoki ahul jarraitzen du, baina Andy Pankok gogotsu jokatuko du Alacanten, ACB Ligako 250. neurketa jokatuko baitu estatubatuarrak. Partidako gakoa aldaratzeetan eta Jimmy Baronen eskuetan egongo da. Baronek hirukoak sartzen baditu Txus Vidorretaren mutilek asko sufrituko dute partida irabazteko.
