Gipuzkoa Basket
Larunbatean, 20:00etan
Lagun Arok garaipena behar du Tenerifen
Erredakzioa
Talde gipuzkoarrak CB Canarias izango du aurkari larunbat honetan, 20:00etan. Bi taldeak berdinduta daude sailkapenean. Galtzen duena, jaitsiera postuetara eror daiteke.
-
Lagun Arok garaipena lortu nahi du Tenerifen. Argazkia: EFE
Lagun Arok partida garrantzitsua jokatuko du larunbat honetan (20:00etan) CB Canariasen aurka Tenerifen. Mailari eusteko aurkari zuzena da talde kanariarra, eta, galtzen duena jaitsiera postuetara eror daiteke Cajasolen eta Manresaren emaitzen arabera.
Gipuzkoa Basket duela hamahiru hilabate egon zen azkenengoz jaitsiera postuetan, eta ez du posizio horietara itzuli nahi. Garaipena lortzeko Woods, Kuksiks eta Taylor bezalako jokalariek maila ona ematea beharko du Lagun Arok.
CB Canariasen Illunbeko zaleentzat ezaguna den Ricardo Urizek jokatzen du. Jokalari hau Lagun Aron jokatutakoa da, eta oroitzapen onak utzi zituen Donostian.
