Baskonia
Caja Laboral
Bartzelonaren aurka ere, bolada onari jarraipena eman nahian
Erredakzioa
Bere multzoko liderra da Baskonia, jarraian lau partida irabazita. Hurrengo biak etxean jokatuko dituzte gasteiztarrek, Bartzelona eta Khimkiren aurka.
-
Artxiboko irudia. Argazkia: EFE
Caja Laboral Baskoniak Bartzelona Regal hartuko du ostegun honetan, Gasteizen, Euroligako Top 16ko bosgarren jardunaldian. Barçan, oraindik ez dakite Juan Carlos Navarro jokatzeko moduan izango den. Duela bi aste eskuineko hankan min hartu zuen eskoltak.
Bere multzoko liderra da Baskonia, jarraian lau partida irabazita. Hurrengo biak etxean jokatuko dituzte gasteiztarrek, Bartzelona eta Khimkiren aurka. Biak irabaztekotan, eskura izango du Caja Laboralek final-laurdenetarako txartela. Katalanen aurkako hitxordurako jokalari guztiak prest ditu Zan Tabak entrenatzaileak.
Partida zuzenean jarraitu ahal izango da eitb.com-en eta ETB-1en, ostegunean 20:15etik aurrera.
