Baskonia
Endesa Liga Playoffak
Baskonia, finalerdietarako txartelaren bila, gaur, Buesan
Erredakzioa
Laboral Kutxak Endesa Ligako final-laurdenetako partida erabakigarria jokatuko du Herbaliferen aurka gaur, 20:30ean, Buesa Arenan. Irabazlea Bartzelonaren aurka lehiatuko da finalerdietan.
Laboral Kutxa Baskoniak Endesa Ligako Playoffetako finalerdietara sailkatzea izango du jokoan gaur, 20:30ean, Buesa Arenan. Herbalife Gran Canariaren aurkako final-laurdenetako kanporaketa bana (1-1) berdinduta dago.
Baskonia nagusi izan zen kanporaketako lehen partidan, bai jokoan, baita azken emaitzan ere. Kanariar Uharteetan jokatu zen bigarren partidan, ordea, Herbalife izan zen nagusi. Ondorioz, Buesa Arenan erabakiko da finalerdiak zein taldek jokatuko dituen.
Euskaldunen eta kanariarren arteko lehia irabazten duenak Bartzelona Lassa izango du aurkari finalerdietan. Barçak aise irabazi zizkion final-laurdenetako bi partidak Montakit Fuenlabradari.
ri.