Dusko Ivaniovic: 'CAI Zaragozak oso ondo jokatzen du'

Caja Laboralek Zaragozan jokatuko du igande honetan. Partida 12:30ean hasiko da eta zuzenean jarraitu daiteke ETB-1en.

Caja Laboral Baskoniako entrenatzailea den Dusko Ivanovicek adierazi du CAI Zaragozak "joko ordenatua eta pazientziaz betea" egiten dueela.

Talde arabarra ACB Ligako seigarren garaipenaren bila doa Aragoi aldera eta bide batez iragan asteazkenean Euroligan hartutako porrota ahaztu nahi dute. Zalgirisen aurka galdu zuen Baskoniak Buesa Arenan.

Badirudi Dejan Musli izango dela Zaragoza bidaitauko ez duen jokalaria, baina Ivanovicek esan du "edozein izan daitekeela" Gasteizen geratu daitekeena.

Baskoniako entrenatzaileak CAI Zaragozaren denboraldi hasiera onari erreparatu dio: "ACBra iritsi berri daude eta denboraldi hasiera ona egiten ari dira. Bartzelonaren eta Cajasolen aurka lortu dituzten garaipenak abisutzat balio behar digute".