Baskonia
Ligako partida garrantzitsua
Menorca-Caja Laboral (76-77): Teletovicen hirukoak erabaki du
Erredakzioa
Ivanovicen mutilke garaipen garrantzitsua eskuratu dute norgehiagoka kaskar batean. Bi segundoren falta Mirza Teletovicek hiruko erabakigarria lortu du Baskoniarentzat.
Mirza Teletovicek azken segundoan lortutako hiruko bati esker lortu dute gasteiztarrek garaipena Menorcan (76-77). Ivanovicen mutilek ez dute norgehiagoka ona jokatu, akats gehiegirekin eta intentsitate gutxirekin, baina azken segundoan miraria lortu du taldeko kapitainak.
Lehen laurdenean arabarrek erraz hasi dira agintzen kantxan San Emeterioren saskiraketei esker, baina etxeko taldeak defentsa sendotu egin du eta Donladson jokoan sartzen hasi da erasoan min handia eginez. Maokoak 13-11 aurretik jarri dira eta Caja Laboralek ezin izan ditu saskiraketa errazak lortu. Lehen laurdenaren bukaera, emaitza Menorcaren aldeko izan da, 17-16.
Bigarren laurdenean etxeko taldeak sendo jarraitu du defentsan eta Donaldsonek eta Sandersek saskiraketa garrantzitsuak lortu ditu. Baskonia Teletovicen hirukoei esker mantendu da markagailuan (33-31), baina gasteiztarrak ez dira eroso egon. Dejan Muslik hiru puntu garrantzitsu lortu ditu azken jokaldian atsedenaldira 33-34koarekin aurretik joateko.
Hirugarren laurdenean gasteiztarrek berriro erasoan sakatu egin dute, baina Menorcak ondo eutsi du markagailuan taldeko jokoari esker (45-45). Donaldsonek aurretik jarri ditu balearrak 47-45 eta Caja Laboralek ez du erasoko jokaldietan asmatu emaitza iraultzeko. 52-52koaren ondoren Donaldsonek bi saskiraketa libreak sartu ditu etxekoentzat 54-52koa jarriz.
Norgehiagokako azken laurdenean Baskoniak ezin izan ditu saskiraketa errazak lortu eta Donaldsonek geldiezin jarraitu du erasoan. Arabarrak atzetik mantendu dira markagailuan eta Urko Otegik puntu erabakigarriak lortu ditu Menorcako taldearentzat. Hala ere, Teletovicek bost puntu lortu ditu jarraian 74-74koa jarriz. Ciorciarik 76-74koa jarri du saskiraketa eder batekin, baina 2 segundo falta zirelarik Teletovicek hiruko ikaragarria lortu du Caja Laboralentzat garaipena lortuz, 76-77.
Fitxa teknikoa:
76. MENORCA BASQUET (17+16+21+22): Ciorciari (3), Limonad (12), Donaldson (20), Victor (11), Caio Torres (10) -hasierako bostekoa-, Servera, Sanders (11), Huertas (2), Diego Sanchez eta Otegui (7).
77. CAJA LABORAL (16+18+18+25): Huertas (7), Oleson (2), San Emeterio (12), Teletovic (21), Batista (6) -hasierako bostekoa-, Ribas (8), Logan (18) eta Musli (3).
