Matt Janning sei aste egongo da jokatu gabe

Matt Janning Kirolbet Baskoniako jokalariak mikro-haustura bat dauka eskuin hankako oin-zolako faszian, eta, ondorioz, sei aste emango ditu jokatu ezinda.

Estatubatuarrak arazoak izan ditu zonalde horretan azken jardunaldietan, eta orain hilabete eta erdi egon beharko du geldi, hau da, Euroligako ibilbidea argituko den tartean.

Baskoniak jakinarazi duenez, tratamendu kontserbadorea aplikatuko diote eskoltari, taldeko medikuen eta Mikel Sanchez doktorearen gainbegiradapean.