Baskonia
Igandean, 12:30ean
Caja Laboral-Bilbao Basket: Playoffetako kutsua duen derbia
Erredakzioa
Gasteiztarrek eta bilbotarrek partida garrantzitsua jokatuko dute Buesa Arenan, Power Electronics Valentzia, sailkapeneko hirugarren taldea hartzeko asmoarekin.
Emozioz betetako derbia jokatuko dute Caja Laboral Baskoniak eta Bizkaia Bilbao Basketek Buesa Arenan. Bi taldeak sendo mantentzen dira playoff postuetan eta helburu argia Power Electronics Valentzia taldeari hirugarren postua kentzea da.
Dusko Ivanovicen mutilek 19 garaipen eta 10 porrot dituzte eta laugarren postuan mantentzen dira. Katsikarisen mutilek ordea, 18 garaipen eta 11 porrot dituzte. Horregaitik bizkaitarrek Baskonia harrapatzeko aukera paregabea izango dute etxetik kanpora.
Arabako taldeak gizon guztiak prest ditu norgehiagokarako. Baskoniak zaleen aurrean garaipen garrantzitsua lortzeko aukera argia izango du, ACB Liga ahalik eta txukunen bukatzeko.
Bilbao Basket bestalde, Euskal Kopatik at gelditu ostean helduko da Gasteizera. Hala ere, Hernandez-Sonseca jokatzeko prest izango du Katsikarisek.
