Baskonia
Igandean, 20:00etan
Baskonia, finalerako txartelaren bila
Erredakzioa
Kirolbet Baskoniak Valencia Basket izango du aurkari Endesa Ligako finalerdietan, igande honetan, 20:00ean.
-
Diaz eta Plonara, Unicaja - Baskonia partidan. Argazkia: EFE
Kirolnbet Baskoniak Endesa Ligako finalera sailkatzeko txartela izango du jokoan igande honetan. Finalerdietan, Valentzia izango du aurkari eta norgehiagoka 20:00etan hasiko da.
Dusko Ivanovic Baskoniako entrenatzaileak Azken Fasea hasi aurretik esan zuenez, taldea titulua irabazteko prestatzen ari zen. Orain arte, Baskoniak bost partida jokatu ditu, finalerdietarako txartela lortu du, eta joko-maila oso ona izan da. Jayson Grangerren eta Luca Vildozaren itzulerek taldearen kalitatea handitu dute. Baskoniak irabazi zuen azken liga 2009-2010 denboraldian izan zen, Bartzelonari 3-0 irabazita. Defentsa eta kanpoaldeko jokoa izan daitezke finalerdi honetako gakoak.
Valentziak etxean jokatzen du, nahiz eta neurketa guztiak ateak itxita jokatzen diren, eta horrek etxean jokatzearen plusa murrizten duen. Hala ere, ondo ezagutzen duen kantxan jokatzeak abantaila txiki bat ematen dio.
