Ivanovic: 'Kanaria Handiko kantxa oso zaila da'

Caja Laboraleko entrenatzaileak, Dusko Ivanovicek, asteazkenean Kanaria Handiaren kantxan jokatuko duten partida “oso zaila” izango dela azpimarratu du, hango zaleek asko laguntzen dutelako. Bestalde, Montenegrokoak Kanarietako taldearen kalitatea nabarmendu du: “Denboraldi honetan aurrekoetan baino talde osatuagoa dute eta anbizio handiagoak ditu, beraz”.

Liga Sevillako Cajasolen kontrako partida irabazita hasi eta gero, Gasteizko taldeak hiru irteera izango ditu jarraian, eta hori dela eta, entrenatzaileak defentsaren garrantzia azpimarratu du: “Liga hasiera honetan, erasoan oraindik bizitasun handiagoa behar dugun honetan, defentsak are garrantzi handiagoa hartzen du”.
Azkenik, jokalariei jokoaren alor guztietan laguntzeko eskatu die, horrela “talde handia” egingo baitute.