Itxi

Baskonia

Denboraldi amaierara arte

Baskoniak Lamar Peters fitxatu du

Agentziak | EITB Media

Joko-antolatzaile estatubatuarrak denboraldi amaierara arte jokatuko du Arabako taldean.

  • Lamar Peters

    Lamar Peters, Baskoniako jokalaria. Argazkia: @Baskonia

Bitci Baskoniak Lamar Peters fitxatu du denboraldi amaierara arte, klubak astearte honetan jakinarazi duenez. Joko-antolatzaile estatubatuarrak 23 urte ditu eta 1,83 metro neurtzen du.

Peters Mississippi State Unibertsitateko taldean hezi zen, eta NBAko Garatze Ligan jokatu zuen New York Knicksekin 2019-2020 denboraldian. Bursaspor taldetik fitxatu du Baskoniak, eta 2020-2021 denboraldian Turkiako Ligan 9,9 puntu eta 6,4 asistentzia erdietsi zituen batez beste; Eurocup txapelketan, aldiz, hiru partida jokatu zituen, eta, batez beste, 18,7 puntu, 7,3 asistentzia eta 1,7 lapurreta erdietsi zituen, baita hiruko jaurtiketen % 60 sartu ere.

Lamar Peters datozen egunetan iritsiko da Gasteizera, eta debuta egin lezake Makabi Tel Aviven aurka Euroligan, ostiralean, Dusko Ivanovic entrenatzaileak jokatzeko moduan dagoela iritziz gero.