Nocioni Baskoniara itzuliko da

Erredakzioa

Azken eguneratzea: 2012/03/23 21:44 (UTC+1)

Hegaleko argentinarrak NBAko Philadelphia 76rs taldean eman ditu azken urteak. Kontratua denboraldi amaierara arte izango du.

Argazkia: EITB

Whatsapp
Whatsapp
telegram
twitt
Bidali
Esteka kopiatu

Albisteak (1)

Caja Laboralek erraz irabazi dio Unicajari

Andres Marcelo Nocioni hegaleko argentinarra fitxatu du Caja Laboral Baskoniak. 2004/05 denboralditik NBAn jokatu du. Kontratua denboraldia amaitu arteko iraupena izango du, ETBk jakitera eman duenez.

Hegalekoa 1979ko azaroaren 30ean jaio zen, Santa Fen, eta NBAn eman ditu azken urteak, Philadelphia 76rs taldean.

'Chapu' 1999/2000 denboraldian heldu zen ACB ligara. 2004 urtera arte maila bikaina eman zuen Gasiezen. 132 neurketa jokatu zituen Baskoniarekin, eta 13,4 puntu, 6 errebote eta 14,1eko balorazioa eman zuen batez beste. Urte horietan Ligako txapelduna izan zen 2001/02 denboraldian, eta Kopa birritan eskuratu zuen 2001/02 eta 2003/04 denboraldietan.

2004/05 denboraldian Gasteiz utzi eta NBAra joan zen. Chicago Bulls taldean eman zituen aurreneko pausoak, baina 2008/09 denboraldian Sacramento Kingsek fitxatu zuen. 2010/11 denboraldia Philadelphiak fitxatu zuen. Zazpi urte horietan 514 neurketa jokatu ditu NBAn, eta batez beste 10,5 puntu sartu eta 4,5 errebote lortu ditu.