Baskoniak liderrari bisita egingo dio finaletako oroitzapenekin

Erredakzioa

Azken eguneratzea: 2012/04/26 12:49 (UTC+2)

Dusko Ivanovicen mutilek lan zaila izango dute Palau Blaugranan, izan ere, Prigioni eta San Emterio ez dira Bartzelonara joan.

Maciej Lampe neurketa batean. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Prigionik ez du Regal Bartzelonaren aurka jokatuko

FC Bartzelona Regalek Caja Laboral hartuko du Palau Blaugranan finaletako oroitzapenak dituen norgehiagoka batean. Liderrak eta hirugarren sailkatuak azken denboraldietako finalak jokatu dituzte Endesa Ligan. Baskoniako jokalariek Bartzelona ezustean harrapatu nahi dute eta hiru garaipeneko aldea murriztu.

Hala ere, Dusko Ivanovicen mutilek lan zaila izango dute Palau Blaugranan, izan ere, Pablo Prigioni eta Fernando San Emterio ez dira Bartzelonara joan. Biak lesionaturik Gasteizen geratu dira. Horrela, Carlos Martinez harrobiko mutila eraman du entrenatzaileak taldea osatzeko eta Andres Nocioniri laguntzeko.

'San Eme' gabe, beti adoretsu defentsa blaugranaren aurrean, eta Prigioniren aginterik gabe, Caja Laboralek Mirza Teletovic eta Maciej Lampe sekula baino gehiago oinarri izan beharko ditu. Taulapean min egiten saiatuko dira eta Teletovicek, era berean, hiruko saskiratzeak bilatuko ditu.