Caja Laboralek Euroligako porrotak ahazteko abagune ederra du

Erredakzioa

Azken eguneratzea: 2012/10/20 14:02 (UTC+2)

Euroligako bi porrot mingarriak ahazteko Ivanovicen mutilek aurpegia aldatu beharko du. FIATC Joventutek Buesa Arenan ezustekoa ematen saiatuko da.

Caja Laboral-Zalgiris Kaunas. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Informazio gehiago (1)

Caja Laboral-FIATC Joventut, zuzenean eitb.com-en

Caja Laboralek FIATC Joventut hartuko du Buesa Arenan. Arabako taldeak Euroligan bi porrot jarraian jaso ditu, eta animoak berreskuratzeko garaipena nola edo hala lortu beharko dute. Ivanovicen mutilek hamar egunetan lau partida jokatuko dituzte, eta taldeak fisikoki erantzuna eman beharko du.

Tibor Pleiss Alemaniako pibota eta Taylor Rochestie joko antolatzailea lesionatuta daude, eta Ivanovicek ez ohiko jokalariei minutuak eman beharko die. Endesa Ligan Baskoniak hirugarren garaipena lortzeko aukera izango du, baina Badalonako taldeak ere hasiera sendoa izan du, eta intentsitate handiko neurketa izango da.

Gainera, Carlos Cabezasek bere 400. norgehiagoka jokatuko du, ACB Ligan. Unicajan, CAI Zaragozan eta Caja Laboral Baskonian 12 urteko ibilbidea borbilduko du FIATC Joventuten aurka.