Baskonia
Euroligan bizirik jarraitzeko
Olinpiacosen aurka, garaipena premiazkoa
Erredakzioa
Partida erabakigarria izango da Dusko Ivanovicen taldearentzat, fase erregularraren lehen itzulian garaipen bakarra eskuratu baitu.
-
Olinpiacos-Caja Laboral, artxiboko irudia. Argazkia: EFE
Caja Laboralek Olinpiacos hartuko du ostiral honetan (20:30ean) Euroligako partidan. Neurketa erabakigarria izango da Baskoniarentzat, garaipena premiazkoa baita txapelketan bizirik jarraitzeko.
Fase erregularraren lehen itzulian garaipen bakarra eskuratu dute Dusko Ivanovicen gizonek. Buesa Arenan ez dute orain arte partidarik irabazi.
Gainera, Grezian jasotako lau puntuko desabantaila berreskuratzea du helburu Baskoniak (85-81). Jokalari guztiak prest ditu Ivanovicek.
Partida zuzenean eskainiko dute eitb.com-ek eta ETB-1ek (ostiralean, 20:30ean).
