Baskonia
Euroliga
Top 16ko ametsari eutsi nahi dio Caja Laboralek
Erredakzioa
Armani Milan hartuko du ostegunean (20:30). Partida irabaztekotan, italiarren emaitzen zain geratuko litzateke Baskonia, eta partida bat gehiago irabazi beharko luke azken hiru jardunaldietan.
-
Caja Laboral. Argazkia: EFE
Caja Laboralek Armani Milan hartuko du ostegun honetan (20:30) Euroligako Top16ra sailkatzeko ametsari eusteko helburuarekin. Fase erregularreko zazpi partida jokatu direnean, neurketa bakarra irabazi du Gasteizko taldeak, Armani Milanen etxean jokatutakoa (85-95), hain zuzen ere. Ondoren, etxean jokatutako partida guztiak galdu ditu Caja Laboralek.
Osteguneko partida irabaztekotan, Armani Milan taldearen emaitzen zain geratuko litzateke Baskonia, eta italiarrek baino partida bat gehiago irabazi beharko luke azken hiru jardunaldietan. Orduan, berdinduta egongo lirateke eta"basket average"-a Baskoniaren aldea izango litzateke.
Bestalde, Nemanja Bjelica zalantza da oraindik ere. Partida zuzenean eskainiko dute eitb.com-ek eta ETB-1ek, ostegunean 20:30etik aurrera.
