Baskonia eta Bilbao Basket, nor baino nor gehiago Buesa Arenan

Erredakzioa

Azken eguneratzea: 2012/12/15 13:34 (UTC+1)

Zan Tabaken mutilek eta Katsikarisen taldeak sailkapeneko bigarren postuan jarraitu nahi dute. Bi taldeak 8 garaipenekin eta 3 porrotekin berdinduta daude.

Baskonia-Bilbao Basket. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Informazio gehiago (1)

Euskal derbia, zuzenean, igandean 12:15ean eitb.com-en

Caja Laboral Baskoniak eta Bilbao Basketek tentsio handiko euskal derbia jokatuko dute Buesa Arenan. Gasteizko taldeak Endesa Ligan bere laugarren garaipena jarraian lortzeko abagunea izango du, Zan Tabak aulkira heldu zenetik Baskoniak sailkapenean gora egin baitu. Derbia, igandean, 12:15ean jokatuko da, eta ETB-1ek eta eitb.com-ek zuzenean eskainiko dute.

Bi taldeak zortzi garaipenekin eta 3 porrotekin berdinduta daude, eta sailkapeneko bigarren postua jokoan izango dute. Gainera, Errege Kopan zerrendaburu izateko garaipena eskuratu behar dute.

Baskoniak Euroligan Top16rako txartela lortu du Cedevita hil edo biziko partidan gaindituta, eta derbira moralez gainezka helduko dira. Bilbao Basketek ere Europan etxeko lanak egin ditu, Last 16rako sailkatzearekin.

Fotis Katsikarisen mutilek garaipena bilatuko dute Buesa Arenan, denboraldi hasierako bolada onari jarraipena emateko.