Saskibaloia
12:00etatik aurrera
Real Madril-Barça klasikoa, igandean, zuzenean
Erredakzioa
Sailkapeneko lehenengoa eta hirugarrena izango dira, aurrez aurre. Partida zuzen-zuzenean emango dute eitb.comek eta ETB-1ek 12:00etatik aurrera.
-
Juan Carlos Navarro eta Felipe Reyes, aurreko partida batean. Efe.
Real Madrilen eta Bartzelonaren arteko neurketak beti dute kutsu berezia, eta igande honetakoa ere ez da salbuespena (zuzenean, 12:00etatik aurrera). Bi taldeak gainera, nor baino nor gehiago izango dira maiatzaren 10ean, Londresen, Euroligako finalerdietan.
Hori gutxi balitz, Pablo Lasoren taldeak lehiaketa erregularreko lehen postua ziurta dezake kataluniarrei irabazita.
Aurten bata bestearen aurka jokatuko duten laugarren partida izango da igandekoa.
Real Madrilek eta Bartzelonak 169 aldiz neurtu dituzte indarrak liga txapelketan, eta madrildarrek 90 garaipen lortu dituzte; Bartzelonak, aldiz, 78.
