Caja Laboral-Real Madril (62-60): Aurreneko pausua

Aurreneko puntua batu du Caja Laboralek Real Madrilen aurka jokatutako finalerdietako lehen partidan, Buesa Arenan (62-60).

Lehen laurdena, parekatua (16-16) eta aipamen berezia Pau Ribasek merezi izan du. Markagailuan berdintasuna nagusi zen arren, Messinaren taldea oreka handiagoa erakusten ari zen eta horrela, bigarren laurdenaren hasieran, alde garrantzitsua lortu du (16-25). Baina Baskonia partidan sartu da berriro ere jarraian bi hiruko erdietsita (Teletovic eta Huertas). Hala ere, atsedenaldian, 26-34ko errenta zuen Madrilgo taldeak. Boladaka jokatzen ari ziren Ivanovicenak.

Etxekoak gogoekin atera dira atsedenaldiaren ondoren eta horren isla da 24. minutuko markagailua, 37-38. Aldea puntu batekoa edo bikoa, gehienez, izan da 49-47 bukatu den hirugarren laurdenean. Dena erabakitzeke zegoen, baina Baskoniak garaipena nahi zuen eta ondo ari zen. Laugarren laurdena erabakigarria eta zirraragarria izan da. Azkenean, etxean geratu da garaipena.

Fitxa teknikoa:

62 - Caja Laboral (16+10+23+13): Huertas (12), San Emeterio (10), Oleson (11), Teletovic (6), Splitter (14)-hasierako bostekoa-, Ribas (3), Palacio, Golubovic, Eliyahu, Herrmann (4).

60 - Real Madril (16+18+13+13): Prigioni (4), Bullock (10), Velickovic (14), Reyes (15), Tomic (10)-hasierako bostekoa-, Garbajosa (5), Jaric, Lavrinovic (2), Vidal.