Saskibaloia
GURPIL AULKIKO SASKIBALOIA
Bidaideakek galdu egin du Thuringiaren aurka, eta Lauko Finalerako aukerarik gabe geratu da (69-76)
AGENTZIAK | EITB MEDIA
Bilbotarrak nagusi izan dira 35 minutuz, baina alemaniarrek garaipena lortu dute azken txanpan.
-
Asier Garcia aurkariaren saskira jaurtitzeko saiakera egiten. Argazkia: @BilbaoBSR
Albisteak (1)
Bidaideak Bilbao BSR taldeak ezin izan dio RSB Thuringia Bullsi irabazi Txapeldunen Kopako bigarren faseko bigarren jardunaldian (69-76), eta Lauko Finalerako sailkatzeko aukerarik gabe geratu da.
Horrenbestez, bi partida jokatu eta biak galdu ostean (gaurkoan, anfitrioien aurka, eta, ostiralean, Ilunionen kontrako lehian), bizkaitarrek A multzoko hirugarren tokia lortzen saiatuko dira igandean (10:00etan) Italiako GSD Porto Torresen aurka, Euroligako 1 txapelketako Zortziko Finalean izateko eskubidea bereganatzeko asmoz.
Bestalde, Ilunion eta Thuringia elkarren aurka arituko dira Alemaniako Elxleben hirian jokatzen ari diren multzoko beste partidan, maiatzaren 5etik 7ra Rotterdamen (Herbehereak) jokatuko den Euroligako Lauko Finalerako txartela eskuan dutela jakinda.
Tras dominar brillantemente el marcador durante 35 minutos el @BilbaoBSR cae derrotado en Alemania ante el @RSBbulls (69-76) y dice adiós a la Champions . El partido de mañana ante Porto Torres será decisivo para lograr la clasificación para la Final 8 de la Euroliga 1. pic.twitter.com/5wzuexZzAD
— Bidaideak Bilbao BSR (@BilbaoBSR) March 11, 2023
