Saskibaloia
ENDESA EMAKUMEZKOEN LIGA
Anna Montañanak ez du Lointek Gernika zuzentzen jarraituko datorren denboraldian
AGENTZIAK | EITB MEDIA
Entrenatzaile valentziarrak udan hartu zuen Bizkaiko taldea zuzentzeko ardura, Mario Lopezen lekua hartuta.
-
Anna Montañana. Argazkia: EFE
Albisteak (3)
Lointek Gernika Bizkaiak astearte honetan baieztatu duenez, Anna Montañanak datorren denboraldian ez du Bizkaiko taldea entrenatzen jarraituko, nahiz eta "klubak 2022-2023 denboraldirako jarrita zituen helburu guzti-guztiak bete".
Gernika KESBk plazaratutako oharrean gogorarazi duenez, Montañana 2021-2012 denboraldiaren amaieran iritsi zen klubera, laguntzaile gisa, eta udan taldearen ardura hartu zuen, Mario Lopez ordezkatzeko. Bere agindupean, taldeak Eurokopako atarikoa gainditu zuen eta play-offetako lehen kanporaketara iritsi zen, eta Erreginaren Kopan, "itxura ona eman zuen finalerdietan, Avenidari gauzak estu jarrita".
Endesa Ligari dagokionez, "play-offetarako sailkapena liga erregularra amaitu baino lehen bermatu ahal izan zen. Gainera, Zaragozaren aurka jokatutako kanporaketan, finalerdietarako txartela lortzeko aukera azken unera arte egon zen bizirik", nabarmendu du Bizkaiko klubak.
Gernikako presidente Gerardo Candinaren aburuz, Montañanaren lana "bikaina" izan da, eta "denboraldirako jarritako helburu guztiak" lortu dira. "Oso pozik gaude taldearen kudeaketarekin eta lortutako emaitzekin", gaineratu du Candinak Valentziako teknikariaren lanari buruz.
