Italiako Giroa
Bikain
Aupa Beñat!
Erredakzioa
Zazpigarren etapan liderraren elastikoa jantzi zuen, eta astearte honetan garaipen handia erdietsi du.
-
Beñat Intxausti. Argazkia: EFE
Bikain ari da Movistarreko Beñat Intxausti aurtengo Giroan. Zazpigarren etapan liderraren elastikoa jantzi zuen. Hurrengo egunean galdu zuen, baina egia da arrosa ez dagoela guztien esku.
Gaur, hamaseigarren etapan, garaipen handia eskuratu du bizkaitarrak. Helmugarako kilometro gutxiren faltan erasora jo du, eta, esprintean, Tanel Kangert (Astana) eta Przemyslaw Niemiec (Lampre-Merida) gainditu ditu.
Intxausti bederatzigarren postuan dago sailkapen nagusian, 5:47ra, baina oraindik ez duela azken hitza esan azpimarratu du: "Aurreneko hamarren artean nago, eta postu horri eustea edo hobetzea espero dut", gaineratu du.
Aupa Beñat!
