Italiako Giroa
maiatzak 9, ostirala
2025eko Italiako Giroko 1. etaparen profila: Durres-Tirana (160 km)
EITB MEDIA
Lehen etapa laua izango da lasterketaren zati handi batean eta bi aldiz igoko da Surrel mendatea. Etapa zuzenean ikusi ahal izango da eitb.eus-en, 13:00etatik aurrera, eta ETB1en 15:00etatik aurrera.
-
2025eko Giroko 1. etaparen profila. Irudia: Italiako Giroa.
2025eko Italiako Giroak hasiera emango dio 108. edizioari maiatzaren 9an, ostiralean, 160 kilometroko lehen etaparekin, Durresen hasi eta Tiranan amaituko dena. Hemen erabakiko da Giroko lehen liderra.
Etapa ia laua izango da lasterketaren zati handi batean, lehen 65 kilometroetan. Edizioko lehen erronka Graceneko igoera izango da (2. maila, % 5,1eko desnibela), ondoren Tiranara iritsi eta azken zirkuitua hasteko. Bertan, bi aldiz igoko da Surrel (3. maila, % 4,6ko desnibela), etapa jaitsieran bukatzeko eta azken metroak lauan.
Etapa zuzenean ikusi ahal izango da eitb.eus-en, 13:00etatik aurrera, eta ETB1en 15:00etatik aurrera.
1. etaparen profila. Irudia: Giroa
FITXA TEKNIKOA
Etapa: 1. etapa (maiatzak 9, ostirala)
Ibilbidea: Durres-Tirana
Distantzia: 160 km
Hasiera-ordua: 13:10
Amaiera ordua: 17:03 (45 km/h) | 17:14 (43 km/h) | 17:25 (41 km/h)
Mendiko saria: Gracen (2. maila), 81,5. kilometroan; Surrel (3. maila), 126,5. kilometroan, eta 148,7. kilometroan
