Tarlingek irabazi du erlojupekoa eta Roglicek lidergoa eskuratu du

Joshua Tarling (INEOS Grenadiers) galestarrak irabazi du larunbat honetan Italiako Giroko banakako lehen erlojupekoa, Albaniako hiriburuan hasi eta amaitu dena. 16 minutu eta 7 segundoko denborarekin nagusitu da, Primoz Roglic (Red Bull-BORA-hansgrohe) esloveniarrak baino bat gutxiago eginda. Ondorioz, Roglic da sailkapen nagusiko lider berria.

Maglia arrosaren bila abiatuta, Roglicen denborak (16:08) tropeleko gainerako faboritoen egoera zaildu du. Mads Pedersen (Lidl-Trek) danimarkarrak bere lidergoa defendatu du, baina zazpigarren amaitu du etapa, irabazleak baino 12 segundo gehiago eginda. Sailkapen nagusiko lehen postua galduta, 11 segundora du liderra.

Ostiralean, 10 segundoko aldea atera zien Pedersenek Roglici eta tropeleko gainerako faboritoei. Mikel Landa (Soudal Quick-Step) arabarra, berriz, etxera joan behar izan zen, lehen etapan erorita T11 ornoa hautsi baitzuen.

Primoz Roglic, lider berria. Argazkia. EFE

2. ETAPAKO SAILKAPENA

1.- TARLING Joshua (INEOS) 0:16:07

2.- ROGLIC Primož (Red Bull-BORA) +0:01

3.- VINE Jay (UAE) +0:03

4.- AFFINI Edoardo (Visma) +0:06

5.- VACEK Mathias (Lidl-Trek) d. b.

6.- HOOLE Daan (Lidl-Trek) +0:08

7.- PEDERSEN Mads (Lidl-Trek) +0:12

8.- MCNULTY Brandon (UAE) +0:13

9.- HAYTER Ethan (Soudal) +0:14

10.- AYUSO Juan (UAE) +0:17

SAILKAPEN NAGUSIA

1.- ROGLIC Primož (Red Bull-BORA) 3:52:32

2.- PEDERSEN Mads (Lidl-Trek) +0:01

3.- VACEK Mathias (Lidl-Trek) +0:05

4.- MCNULTY Brandon (UAE) +0:12

5.- AYUSO Juan (UAE) +0:16

6.- DEL TORO Isaac (UAE) +0:17

7.- POOLE Max (Picnic) +0:24

8.- TIBERI Antonio (Bahrain) +0:25

9.- STORER Michael (Tudor) +0:27

10.- PELLIZZARI Giulio (Red Bull-BORA) +0:31